Historias de Sefa, dos seus amores e desamores, da súa nai Fina e o seu pai Joao, o carrilano portugués, e do Mincha o marido da Fina. E como os relatos son como as ovellas que por onde vai unha van todas, xuntas como é de lei, as de Milagros a nai do Mirequelledigo, o filósofo tabernario que nos conta as historias, e de como os falanxistas asasinaron ao seu pai. E tamén contos para nenos, relatos de aparecidos e da Santa Compaña que algúns chaman estadea, lebdas de sereas, metodoloxías científicas, fábulas de pescadores de cana e outros moitos contos entre o real e o soñado.